latinski

Marko Marulić, "Tropologica Dauidiadis expositio"

Haec editio non est critica, sed tantummodo aliquid auxili parat studiosis Marci Maruli, praecipue autem legentibus articulum Tijelo alegoreze: jezicni izraz Tropologica Dauidiadis expositio (De allegoreseos corpore, sive de Tropologicae Dauidiadis expositionis sermone, appariturus in ). Licet editiones omnes quattuor quae antehac in lucem venissent examinavissem — id est Zagrabiensem anni 1954 (Badalić) ; Emeritensem anni 1957 (Marcovich) ; Zagrabiensem alteram, anni 1974 (Gortan) ; Spalatensem anni 1984 (Gortan et Glavičić) — fidem imprimis tribuendam putavi codici ipso illo Taurinensi (Biblioteca Nazionale, Torino, G-VI/40, c. a. 1517 ; Expositionem tropologicam ff. 137r– 152v exhibent), ut autographo et eo unico adhuc invento. At deerat facultas codicis ipsius inspiciendi, ita ut imaginibus photographice expressis uti necesse esset. Quo in labore veniebant mihi subsidio aliquot notae criticae Miroslavi Marcovich, editioni Emeritensi adiectae. In ratione verba Latina scribendi Maruli nostri proprietates quas, quod Expositionem attinet, nullus editorum priorum respexerat, passim (ut potui) honoratus sum. Nomina quae auctor ipse in textu stilo notaverat litteris cursivis scripsi. Capitales vero litteras aliter quam Marulus posui ; ab quibus exorsus sum cuncta nomina dei Christiani sicut est mos in hodierna Vulgatae editione Societatis Biblicae Stuttgartiensis. Signis autem interpungendi usus sum quae in sententiis magis pausas rhetoricas quam structuras grammaticales significarent. Constat Expositio Davidiadis ex quattuordecim capitulis, sicut Davidias ipsa ex quattuordecim libris ; quibus capitulis brevis prologus atque epilogus additi sunt. In hac editione Expositionis capituli ulterius in paragraphos partiuntur, ut singuli paragraphi singulas allegorias rerum in Davidiade gestarum contineant. Notarum in editione duo sunt genera ; quorum unum locos similes Sanctae Scripturae exhibet secundum praedictam Vulgatae editionem Stuttgartiensem quartam (anni 1994) ; alterum autem genus indicat ubi manuscripti folia atque paginae incipiant. Post textum indicem nominum addidi, ubi numerus primus capitulum, alter autem paragraphum denotat.

Marcus Marulus; editio

nije evidentirano