makedonski

Симулација и анализа на работата на трифазен асинхрон мотор напојуван од програмабилен напонски извор при прекин на напојувањето

Во рефератот се анализира работата на трифазен асинхрон мотор со намотан ротор, при различни услови на настанување на прекин во напојувањето ; притоа посебно се анализира влијанието на должината на прекинот врз работните карактеристики на моторот. За таа цел во програмската околина на Matlab/Simulink е изработен симулациски модел на моторот и во него се внесени сите неопходни уточнувања, што овозможува добивање на доверливи и доволно точни излезни резултати. Моторот се напојува со програмабилен напонски извор, така што моментот на настапување на прекинот на напојувањето, должината на времетраењето на прекинот, како и моментот на повторното вклучување може да се дефинираат по потреба и да се зададат однапред. За сите симулирани режими на прекинот и повторното вклучување во работа на моторот, се прикажуваат и анализираат споредбените карактеристики. Потоа се изведуваат заклучоци за најповолниот и најнеповолниот режим од аспект на механичките напрегања на моторот.

Трифазен асинхрон мотор со намотан ротор; прекин на напојување; програмабилен напонски извор; транзиентни и динамички режими

nije evidentirano