makedonski

Leksički paraleli vo hrvatsko glagolskite psaltiri i psaltirite od makedonska redakcija

Предмет на интерес во овој труд е лексичкиот фонд на хрватскоглаголските псалтири од XIV и XV век споредбено со лексиката на псалтирите од македонска редакција од XIII век. Лексичките особености на хрватските и на македонските псалтири се поврзува со прашањето за редакциите на псалтирниот текст. Преку споредбената анализа со Синајскиот псалтир се предочуваат разликите во однос на употребата на грцизмите, на моравизмите, доследната или недоследната употреба на лексичките варијанти итн, односно карактеристичните особености на архаичната редакција. Македонските псалтири во споредба со хрватските покажуваат поголеми разлики во употребата на грцизмите, на моравизмите, како и во изборот на лексичките варијанти. Се потврдува поврзаноста на Фрашчиќевиот псалтир со македонските коментирани псалтири Погодинов и Болоњски и со дејноста на Охридскиот литерарен центар. Овој псалтир најмногу ги чува архаизмите, односно сличноста со Синајскиот, а онаму каде што се разликува од Синајскиот тој се совпаѓа со Погодинов и Болоњски, што е разбирливо со оглед на нивниот заеднички карактер, иако имале друга предлошка.

crkovnoslovenski jazik; makedonska redakcija; hrvatska redakcija; leksika; grcizmi; moravizmi; leksički varijanti

nije evidentirano